еМагазин
Image default
Свет ТОП СТОРИИ

(Видео) Хамас го нападна Израел

Најмалку пет луѓе загинаа, а повеќе од сто се повредени во ракетните напади од Појасот Газа врз јужниот и централниот дел на Израел.

Палестинските екстремисти од Појасот Газа денеска истрелаа илјадници ракети врз Израел, а Хамас најави почеток на нова операција. Ракетниот истрел траеше повеќе од три и пол часа.

Израелската армија прогласи воена готовност и почна да го напаѓа Појасот Газа. Израелските противпожарни и спасувачки служби прогласија највисоко ниво на тревога.

Воениот командант на Хамас, Мухамед Ал-Деиф изјави дека цел на нападот биле непријателски позиции, аеродроми и воени позиции, тој тврди дека се истрелани 5.000 ракети.

Израелскиот министер за одбрана Јоав Галант изјави дека Хамас со нападот врз Израел направил „сериозна грешка“.

– Хамас направи сериозна грешка утрово и започна војна против државата Израел. Војниците на Израелските одбранбени сили (ИДФ) се борат против непријателот. Израел ќе победи во оваа војна, посочи Галант.

Во меѓувреме, во џамиите во палестинскиот бегалски камп Шуфат во Ерусалим од минарињата се слушаат повици до жителите да се приклучат на нападот на Хамас, јавуваат израелските медиуми.

Телевизиските канали блиски до Хамас објавија снимки од повиците и прославите во Наблус на окупираниот Западен Брег.

МИА/Видео: Твитер

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Титаник“: Јанакиески му давал инструкции на претседателот на ДИК, Дерковски за изборите во 2011

Редакција

Возило излетало на пруга, во спасувачка акција извлечени две лица

Редакција

Потпретседателот на Српската листа, Радоичиќ во целост ја презеде одговорноста за инцидентот во Бањска во Косово

Редакција