Нуркачкиот центар Амфора и Клубот за подводни дејности Охрид веќе 18 години традиционално на уникатен начин ја наговестуваа Новата година и божиќните празници со китење елка под вода, но овој пат поради пандемијата со Ковид-19, најдоа друг начин да ни испратат новогодишна честитка од длабочините на Охридското Езеро.
„Во услови на пандемија, оваа година одлучивме да не се зголемува бројот на нуркачи на едно место, формиравме групи од 3-4 членови и нуркавме на 3 различни локации на Охридското Езеро и тоа Заливот на Коските, Трпејца и Св.Наум кај изворите.
Им ја честитаме Нова Година 2021 на сите граѓани на Република Македонија, а како и секоја година па така и оваа, овој ден го посветуваме на децата со ретки болести со желба за подобро здравје и лесно надминување на потешкотиите“, напиша на Фејсбук од Амфора.
Фото/видео: Амфора/Love and Life Studio