Хрватскиот портал „24 сата“ објави дека студенти од Србија, Хрватска и други балкански земји демолирале хотел во Охрид во кој престојувале на петдневна екскурзија.
Оштетен бил инветар, искршени биле прозорци, студенти дивееле по ходниците фрлајќи вазни и други предмети…, објави порталот.
Менаџерот на хотелот изјавил дека гостите биле агресивни и предизвикале голема материјална штета. Во хотелот имало вкупно 1.250 студенти од 12 факултети за кинезиологија и кинезитерапија од целиот Балкан, а најбројни биле од Хрватска, 217.
– Знаеме дека станува збор за млади луѓе, но мора да се преземат мерки. Имавме посети од големи групи студенти, но досега ваков проблем не сме имале. Особено беа агресивни Хрватите, изјавил менаџерот.
Ситуацијата во хотелот ја смирувала обезбедувањето, а полицијата не интервенирала, вели менаџерот.
Видео: 24sata