Како резултат на гранатирање на руската војска, синоќа изби пожар во најголемата нуклеарка во Украина, Запорожскаја, тврдат украинските власти.
Пожарот беше локализиран во раните утрински часови, а портпаролот на нуклеарната електрана, Андриј Туз, за украинската телевизија изјави дека гранати паднале директно врз нуклеарката и запалиле еден од шесте реактори на централата.
-Тој реактор се реновира и не е во функција, но внатре има нуклеарно гориво, рече тој, пренесуваат светските агенции.
Според последните информации поради пожарот нема зголемено ниво на радијација, а потврдено е и дека нема жртви.
Територијата околу централата е под контрола на руските трупи од понеделникот, кога Москва ја информираше Меѓународната агенција за атомска енергија дека „вработените на централата продолжуваат да работат на нуклеарната безбедност и да ја надгледуваат радијацијата во нормални услови за работење.
ПОВРЗАНИ ВЕСТИ
Макрон по разговорот со Путин: „Најлошото допрва доаѓа“
Фото/видео: CBS New York