Витаминка АД Прилеп за периодот јануари – јуни 2023 година оствари позитивен финансиски резултат искажан во неревидираниот единечен Биланс на успех, информираат од таму преку Македонската берза.
-Остварените единечни вкупни приходи во првото полугодие од 2023 година изнесуваат 1,665,100 илјади денари и во споредба со остварените за истиот период во 2022 година бележат пад од 11,4%.
Во структурата на вкупните приходи најголемо учество, 99%, имаат приходите остварени од продажба на производи и услуги од основна дејност, кои во споредба со остварените во 2022 година се помали за 11.4%. Падот на приходите е поради континуираното намалување на цената на сончогледовото масло за јадење.
Остварените единечни вкупни расходи во првото полугодие од 2023 година изнесуваат 1.624,765 илјади денари и во споредба со остварените за истиот период во 2022 година бележат намалување од 19.3%. Висината на вкупните расходи е во корелација со работењето во првото полугодие од 2023 година.
Во извештајниот период е остварена добивка по оданочување во висина од 10.127 илјади денари, која во споредба со добивката за истиот период од минатата година е намалена за 75%. Ова пред се се должи на порастот на поедни групи на трошоци и финансиските расходи, односно зголемувањето на каматните стапки, велат од таму
ПОВРЗАНИ ВЕСТИ
Витаминка откупи сопствени акции
На менаџментот на Витаминка лани исплатени 35,1 милиони денари