Владиката г. Петар и владиката г. Агатангел повеќе не се позитивни на Ковид 19, објави религија.мк.
За Цветници владиката г. Агатангел служел литургија во неговата епархија, а и двајцата поминале без сериозни компликации.
Владиката Петар пак минатата недела имал молитвено учество на Светата Божествена Литургија и се причестил со Светите Христови Тајни, а на крајот од литургијата зборувал и за неговото искуство со Ковид-19.
-Браќа и сестри, во ова тешко време за нас, сите го носиме својот спасителен Крст, па така и јас на оваа моја возраст, понесов уште еден Крст т.е. Крстот на оваа тешка и страшна болест, од која во моментот посебно е погоден и нашиот град, нашата Татковина и сиот свет.
Од се срце му благодарам на Бога, а и на вас, браќа и сестри, за вашите Свети молитви за мене недостојниот.
Во ова тешко време, браќа и сестри, да ги зајакнеме нашите молитви, постот и подвизи, за Милистовиот Бог, да го тргне од нас ова тешко искушение!
Спаси го Господи сиот свет, нашиот град и нашата Татковина Македонија, болните исцели ги и дај им сила на они што им служат и ги лекуват! Амин!, посочил г. Петар.
ПОВРЗАНИ ВЕСТИ
Владиците Петар и Агатангел се лекуваат од Ковид-19 во „Систина“
Фото: религија.мк