Владата сè уште нема став околу евентуалното отворање на границите и аеродромите, истакна министерот за транспорт и врски, Горан Сугарески, коментирајќи ја одлуката на авиокомпанијата „Виз ер“ да ги пролонгира летовите до Северна Македонија до средината на идниот месец.
– Како член на Кризниот штаб можам да кажам дека ја следиме ситуацијата, и согласно препораките кои ги дава Комисијата за заразни болести, ние разговараме и постапуваме по нив, и како штаб, а и во Владата.
Во моментот сè уште немаме конечен став околу отворањето на границите и аеродромите. Очекувам овие денови, штом Комисијата го постави тоа прашање на дневен ред, да се разговара на седница на Кризниот штаб, по што Владата ќе донесе одредени одлуки, доколку тие треба да бидат донесени, истакна министерот Сугарески.
ПОВРЗАНИ ВЕСТИ
Визер ја продолжува суспензијата на сите летови од/до Македонија до 13 јули
ГП „Богородица“ пуштен за транзит на странци, ги враќаат од грчка страна
Странците можат да транзитираат, за македонските државјани неопходна изјава и тест за Ковид-19
МИА/Фото: Влада