Во Општата болница со проширена дејност во Дебар расте бројот на хоспитализирани ковид-пациенти, чиј број споредно со вчера е за девет повеќе.
-За жал, бројот на оние на кои им е неопходен болнички третман постојано расте. Во последното деноноќие имаме девет пациенти повеќе или моментно вкупно се 38.
Од нив, 20 се хоспитализирани во ковид-центарот во инфективното одделение, од нив дури 19 се на кислородна поддршка.
Во хирушкото одделение, кое исто така сега е пренаменето за овие пациенти, кои се со полесна клиничка слика, имаме 18, од нив девет на повремена кислородна поддршка, рече за МИА, Баки Алили, директор на болницата.
Според возраста, најмладиот пациент има 36, а највозрасниот е на 80 години, додека од вкупниот број, над 20 отсто се до 45-годишна возраст.
-Во здравствените установи во Скопје, од нашето подрачје хоспитализирани се три лица, двајца од нив на 26 и 28-годишна возраст. Во нашата болница на дневна терапија се над 20 лица, а тројно поголем е бројот на оние кои се јавуваат на преглед со симптоми карактеристични за Ковид-19, додава Алили.
Апелира до граѓаните што е можно побрзо да се вакцинираат, за да го заштититат сопственото, но и здравјето и животот на другите и што „побрзо да се вратиме на нашите деловни активности и нормалниот тек на живот“.
Посочува дека во модуларната болница непречено, со зголемена динамка, се одвива имунизацијата, за што не е потребно закажан термин, туку секое лице кое сака да се имунизира треба да поседува еднствено документ за лична идентифкација.
Само во последните два дена, нагласува, аплицирани се околу 600 вакцини, најголем процент од Фајзер, но и од Синофарм и АстраЗенека и од сите има доволно количини.
ПОВРЗАНИ ВЕСТИ
Од 32 хоспитализарани во Охрид 11 се на кислородна поддршка, најмладиот има 26 години
МИА/Фото: МЗ