Во САД е одобрена трета доза од вакцината против Ковид-19 за лицата со послаб имунолошки систем.
Американската управа за храна и лекови (ФДА) соопшти дека одлуката се однесува на вакцинираните лица со ослабен имунолошки систем по трансплантација на органи.
– САД влегоа во нов бран на пандемии, а ФДА е целосно свесна дека луѓето со ослабен имунитет се особено изложени на ризик да добијат сериозна болест, изјави вршителката на должноста шефица на ФДА, Џенет Вудкок.
Таа додаде дека за останатите вакцинирани не е потребна трета доза и дека се соодветно заштитени.
Во САД регистрирани се над 619.000 смртни случаи, а бројот на новозаболени драстично е зголемен поради ширењето на делта сојот.
ПОВРЗАНИ ВЕСТИ
Третата доза вакцина против Ковид-19 станува реалност
МИА/Фото: МЗ