Пресудата за убиството на матурантот Ангел Петковски е укината на 30-ти септември од страна на 5-член совет на Врховниот суд, објави телевизијата Телма, повикувајќи се на судски извори.
Процесот според Врховниот суд треба да се врати на почеток за да се утврдат сите процесни законски можности во врска со првото судење и со доказната постапка.
Петковски беше убиен со нож на кејот на реката Вардар во скопската населба Ѓорче Петров на 19. мај 2014 година.
Осомничениот беше фатен многу бргу по настанот.
Тинејџерот Насер Ештрефи од општина Сарај беше осуден на 14 години затвор за убиството.
Одбраната на осудениот тврдеше дека станува збор за самоодбрана, бидејќи бил нападнат од жртвата и неговиот татко кои го бркале затоа што сакал да им украде велосипед од дворот.