Според податоци на Институтот за јавно здравје (ИЈЗ) во периодот од 20 до 26 септември се регистрирани заболени лица во сите возрасни групи.
“Најзастапена е возрасната група на лица на возраст над 60 години (n=750, 25,6%).
Најмал број е регистриран кај возрасната група од 0-9 години (n=124; 4,2%).
Во однос на претходната недела, се забележува намалување на заболените лица кај сите возрасни групи, кое се движи од -2,2% кај лицата 40-49 години до – 23,3% кај возрасната група од 60+ години, додека во возрасната група 10-19 се забележува зголемување од 12,3%.
Карактеристично е тоа што намалувањето е поизразено кај повозрасната популација, односно кај лицата над 39 години тоа изнесува -17,0%, додека кај помладите, лицата до 39 години, намалувањето е -4,9%.
Во однос на дистрибуцијата по пол, пријавени се 1.410 (48,1%) лица од машки и 1.524 (51,9%) од женски пол.
По добиени 2 негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 3.568 лица кои биле хоспитализирани или на домашно лекување, намалување од 4,2% во споредба со минатата недела“, стои во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
За една недела 108 смртни случаи од Ковид-19, најмногу во Скопје и Куманово
За една недела 32 лица повторно се заразиле со Ковид-19
Фото: МИА