Податоците на Институтот за јавно здравје (ИЈЗ) за периодот од 27 септември до 3 октомври покажуваат дека се регистрирани заболени лица во сите возрасни групи.
„Најзастапена е возрасната група на лица на возраст над 60 години (n=738, 27,6%).
Најмал број е регистриран кај возрасната група од 0-9 години (n=86; 3,2%).
Во однос на претходната недела, се забележува намалување на заболените лица кај сите возрасни групи, кое се движи од -1,6% кај лицата од 50-59 години и над 60+ години до -30,6% кај возрасната група од 0-9 години.
Најголемо процентуално намалување се забележува кај помладата популација, односно кај лицата од возрасните групи од 0-9, 10-19 и 20-29 години.
Во однос на дистрибуцијата по пол, пријавени се 1.323 (49,6%) лица од машки и 1.347 (50,4%) од женски пол.
Со статус „оздравени“ се стекнале 2.681 лице кои биле хоспитализирани или на домашно лекување, намалување од 26,4% во споредба со минатата недела„, стои во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
За една недела од Ковид-19 починале 85 лица, најмногу од Скопје, 35
Раст од 21,9%: За една недела 39 лица повторно се заразиле со Ковид-19
Фото: МИА