За Германија е незамисливо само за Албанија да даде зелено светло за преговори со ЕУ, а за Северна Македонија не, вели германската амбасадорка Анке Холштајн за „Слободен печат“.
– За решавачки насоки во процесот на проширување на ЕУ потребна е согласност од сите земји-членки. Исто како што преговарачката рамка може да биде само едногласно прифатена, датум за првата меѓувладина конференција ќе има само кога сите земји-членки ќе дадат согласност.
За Германија не е замисливо само за Албанија да даде зелено светло, а Северна Македонија да ја остави.
Северна Македонија веќе одамна ги исполни сите услови за започнување на пристапните преговори, нејзниот почеток е заслужен и одамна задоцнет. Ова е исто така во интерес на веродостојноста на процесот на проширување и на веродостојноста на ЕУ во регионот, вели Холштајн за „Слободен печат“.
ПОВРЗАНИ ВЕСТИ
Каков имот пријавил еврокомесарот за проширување Оливер Вархеји
Раздвојување на Македонија и Албанија можно сценарио, потврдуваат од Европската Комисија
Фото: МИА