Денеска премиерот Зоран Заев ќе оствари еднодневна работна посета на Република Албанија.
„Премиерот Заев ќе учествува на Самитот на земјите од Западен Балкан. Со Самитот ќе претседава албанскиот премиер Еди Рама, а ќе учествуваат еврокомесарот за проширување и добрососедство, Оливер Вархеји, претседателот на Црна Гора, Мило Ѓукановиќ, како и премиерите на Косово, Албин Курти, на Србија, Ана Брнабиќ и на Босна и Херцеговина, Зоран Тегелтија,“ се вели во соопштението од Влада.
Заев заедно со премиерот Рама на маргините на Самитот ќе го потпишат и Договорот за воспоставување заеднички гранични и царински контроли на граничните премини меѓу Албанија и Македонија.
Премиерот Заев попладнето и свечено ќе го отвори Културниот центар на Македонија во Тирана.
Фото: Влада