Заврши протестот пред Собранието откако седницата за уставните измени што почна доцна попладнето, по експозето на премиерот Зоран Заев, беше презакажана за утре во 13 часот.
Учесниците на протестот најавија дека утре напладне повторно ќе се соберат пред собраниската зграда за да испратат пораки против уставните измени. Дел од нив негодуваа на, како што наведоа, бројното присуство на полицијата која ја обебзедуваше собраниската зграда.
На протестите пред Парламентот учествуваа членови на граѓанските здруженија „Македонија блокира“, „Христијанско братство“, партијата „Единствена Македонија“, „Тврдокорни“, а на кои подоцна им се приклучија и лидерот на опозициската ВМРО-ДПМНЕ Христијан Мицкоски и партиското членство.
Дел од учесниците во протестот во еден момент се упатија кон резиденцијата на претседателот Ѓорге Иванов за да го повикаат да им се приклучи.
Мицкоски рече дека и тој ќе го користи демократското право мирно и достоинствено да протестира и пркоси за сето она што се случува и ќе се случува денес, но и следните денови во Собранието.
Со ваквиот став, како што оцени владејачката СДСМ, Мицкоски потврдил дека стои зад анти НАТО и анти ЕУ протетсите на кои се повикува на насилство.
МИА/Фото: А1он
ПОВРЗАНИ ВЕСТИ
Двотретинското мнозинство се уште „виси“, седницата за уставните измени продолжува утре
Мицкоски исвиркан од дел од учесниците на протестот пред Собрание, оти не сакаше да се обрати
(ВИДЕО) Мицкоски ќе протестира за името