Според податоците на Државниот завод за статистика, просечната месечна исплатена нето-плата по вработен, во август 2020 година изнесувала 27.535 денари, што е зголемување за 9,6 % во однос на истиот месец претходната година.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (20,4 %), Земјоделство, шумарство и рибарство (16,9 %) и Дејности на здравствена и социјална заштита (13,2 %).
Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација (18,4 %), Земјоделство, шумарство и рибарство (9%) и Објекти за сместување и сервисни дејности со храна (4,7 %).