Претседателот на македонското Собрание, Африм Гаши вчера со семејството патувал со обезбедување во Косово.
Од неговиот Кабинет по објавувањето на информацијата во медиумите, велат дека се било по протокол. Од таму не ја соопштија причната за неговото патување, а во медиумите беше објавено дека бил на свадба.
Порталот Индекс објави и видео:
-Претседателот на Собранието е придружуван од обезбедувањето 24/7, како што е наложено со закон. Овој безбедносен детал функционира строго во законската рамка и ги следи сите протоколи што ги бара државата.
Претседателот на Собранието на 17. август 2024 година, заедно со неговото семејство, отпатува во соседната земја Косово. Оваа посета беше целосно транспарентна и усогласена со сите потребни процедури.
Пред поаѓањето уредно беа известени и Министерството за внатрешни работи и МНР и e доставена сета потребна документација според утврдениот протокол за секое службено лице кое ја напушта државата.
Надлежните органи можат да ја потврдат оваа информација, дека сите постапки се во согласност со одговорностите и обврските на претседателот на Собранието, велат од таму.
Фото: Гаши/Фејсбук/видео: Индекс