Пратеничките групи на владејачките партии ВМРО-ДПМНЕ, Влен и ЗНАМ денеска поднесоа интерпелација за работата на пет членови на Судскиот совет, кои се избрани од Собранието, информираше координаторот на пратеничката група на ВМРО-ДПМНЕ, Никола Мицевски.
-ЕУ и јавноста во земјава постојано укажуваат на недостатоци на работата на Судскиот совет. Овие забелешки се значајни за реформите. Решавањето на овие предизвици е неопходно. Судскиот совет е клучна институција за правната држава и затоа секоја сенка во работата треба темелно да биде анализирана.
Наша цел е дадеме придонес и да овозможиме подобар, поефикасен и независен правосуден систем. Сакаме да упатиме порака дека време е да се воведе ред во руинираниот судски систем. Македонија мора конечно да добие независен и ефикасен правосуден систем, рече тој и побара подршка за истата од пратениците на опозициските партии.
ПОВРЗАНИ ВЕСТИ
Вчера премиерот Христијан Мицкоски изрази надеж дека доколку пратениците изгласаат недоверба на членовите на Советот, дека тие ќе бидат доблесни и сами ќе се повлечат.