На денешното рочиште за убиството и грабнувањето на 14-годишната Вања Ѓорчевска од Скопје и 74-годишниот Панче Жежовски од Велес, започна распитот на првообвинетиот Љупчо Палевски Палчо.
ПОВРЗАНИ ВЕСТИ
Палевски негира дека ги убил и грабнал Вања и Панче
Тој одговараше на прашањата на неговиот адвокат Јовица Страшевски, а меѓудругото го оспори и денот кога е убиен Жежовски. Според Основното јавно обвинителство Скопје тој е убиен на 22. ноември 2023 година.
Според Палевски пак било можно Жежовски да бил убиен на 24. ноември 2023 година, а тоа тврдење го поткрепи со три моменти. Во Кривичниот суд Скопје тврдеше дека досега не е утврдено точното време кога е убиен Жежовски, како друг момент го наведе и сведочењето на другиот обвинетиот Велибор Манев дека на 24. ноември отишле да го закопаат неговото тело, како и тоа што тој правел на 22. ноември.
За бегството во Турција, од каде беше екстрадиран кажа дека таму бил поради здравствени причини, што од порано и е познато на јавноста, но и поради лични интереси – посета на воен архив. Раскажа и зошто планирал да оди во Москва, Русија и Минск, Белорусија.
„Втора причина е посета на воен архив во Истанбул. Требаше да земам копија и доказ дека на 4. мај 1903 година во село Баница немало ниту еден аскер и дека Гоце Делчев не е убиен од турска војска, туку од врховистите.
Третата причина зошто сум гледал карти од Минск и од Москва е мојата желба и намера да одам во Москва, но ниту сум букирал карта, ниту сум купил, туку мојата желба и намера не се реализирала, а на обвинителката многу добро ѝ е познато зошто. Јас требаше да одам во Москва од причина да земам копија од Новгородски ливчиња од јавната библиотека на Москва“, кажа тој.
Следното рочиште е 16, април, на кое Палевски ќе продолжи да одговара на прашања на неговиот адвокат.
ПОВРЗАНИ ВЕСТИ
Таткото на Вања пратил смс-порака до грабнувачите на нејзиниот телефон
Фото: Палевски/Фејсбук