Бугарија донесе Декларација со која бара заедничко чествување на историски настани со Македонија

Во бугарскиот Парламент вчера по предлог на отворено проруската партија “Преродба“ се изгласа Декларација, за како што стои во истата, системско и методично нарушување на дијалогот меѓу Македонија и Бугарија.

Истата следи по изјавата на македонскиот вицепремиер и министер за транспорт, Александар Николоски, а се состои од три точки.

ПОВРЗАНИ ВЕСТИ

Ги известивме партнерите за „неиспровоцираните провокации” од функционери на Македонија, велат од бугарското МНР за изјавата на Николоски

За Декларацијата гласаа 170 пратеници и немаше против и воздржани.

Во првата точка се повикува македонската Влада да ја изгради трасата од паневропскиот Коридор 8 на македонска територија, која води до Бугарија.

Во втората се повикува на продолжување на прекинатиот дијалог и запирање на „антибугарска кампања и провокативни изјави“ во Македонија.

Во третата се потврдува „волјата на бугарската држава за организирање на заеднички чествувања на заеднички историски настани и личности и несогласување со одрекувањето од заедничката историја на Македонија и Бугарија од страна на членови на македонската Влада“.

ПОВРЗАНИ ВЕСТИ

(Видео) Оставка ми бараат корумпирани политичари што спијат на прачки злато и евра: Николоски за реакциите на Борисов и Радев

Борисов побара оставка од Николоски, во спротивно бугарските власти да прекинеле секакви разговори со Македонија

Цивилизираноста на новата влада на Македонија допрва ќе се оценува: И Радев со реакција за изјавата на Николоски

Фото: Унсплеш