Досега со истрагата на Основното јавно обвинителство за пожарот во т.н. дискотека/кабаре во Кочани се опфатени дури четворица поранешни министри за економија, сите кадри на ДУИ.
ПОВРЗАНИ ВЕСТИ
Куќен притвор за екс министрите за економија Сарачини и Незири за пожарот во Кочани
Во куќен притвор се поранешните министри Беким Незири и Ваљон Сарачини, а за поранешниот министер за економија, Дритон Кучи, кој е актуелен македонски амбасадор во Норвешка и Исланд, засега нема мерки, бидејќи не е во Македонија.
Тој пред неколку дена на Фејсбук најави дека ќе се врати во земјава.
ПОВРЗАНИ ВЕСТИ
Кој е Дритон Кучи, поранешниот министер, кој е дел од новите 19 осомничени за пожарот во Кочани
Во затворски притвор од порано е и поранешниот министер за економија, Крешник Бектеши.
Засега со истрагата не е опфатен единствено актуелниот министер за економија, Бесар Дурмиши, кадар на коалицијата “Вреди“.
Според државниот јавен обвинител Љупчо Коцевски тој не е опфатен со проширената истрага, бидејќи нема ниту еден доказ дека сопственикот на т.н. дискотека/кабаре иницирал постапка за нова лиценца во 2025 година.
ПОВРЗАНИ ВЕСТИ
Зад кои други фирми стоел Дејан Јованов Деко, газдата на дискотеката во Кочани
Тој на вчерашната прес-конференција не одговори конкретно дали има докази дека кај претходните министри била иницирана ваква процедура за издавање лиценца или не.
Министерството за економија е надлежно за издавање и одземање лиценци за кабареа, дискотеки и ноќни клубови.
ПОВРЗАНИ ВЕСТИ
Кој е Беким Незири, поранешниот министер кој доби куќен притвор
Кој е Дритон Кучи, поранешниот министер, кој е дел од новите 19 осомничени за пожарот во Кочани
Кој е Ваљон Сарачини, поранешниот министер, кој е дел од новите 19 осомничени за пожарот во Кочани
Фото: Фејсбук/Дурмиши