Остро предупредување за почитување на Договорот од Преспа од страна на Македонија стигна и од потпретседателот на Европската комисија, Маргаритис Схинас.
-Има уште време да го напушти ќорсокакот на националистичкото заострување и ревизионизмот. Се надевам дека едногласните реакции на европското и атлантското семејство на нивните први изјави и постапки ќе бидат храна за размислување за носителите на одлуки во Скопје, рече Схинас од Солун.
Во врска со тоа што македонската претседателка Гордана Силјановска Давкова не го употреби уставното име за време на заклетвата тој посочи дека „првите примероци на пишување на новото раководство на Северна Македонија покренуваат сериозни прашања за политичкиот и правниот поредок“.
Тој, како што пренесуваат грчите медиуми, потсети и на острите тонови кои дојдоа од Европската Унија (ЕУ) и предупреди колку е важно Македонија како кандидат за членство во ЕУ да не ги бранува соседите.
-Никој во ЕУ не е подготвен да толерира овие логики да се воведат во ЕУ. Никој нема да заложи за членство во ЕУ на земја-кандидат што отстапува од своите обврски и ги вознемирува соседите кои се веќе членови на европското семејство.
Нема да се толерира никакво националистичко или популистичко повлекување во регион на кој му требаа децении за да се надминат длабоките јазови што ги отвори војната и етничките конфликти, рече Схинас.
ПОВРЗАНИ ВЕСТИ
Европската комисија ги повика Македонија и Грција да го почитуваат Договорот од Преспа
Фото: Кабинет на претседателот