На денешното рочиште за убиството и грабнувањето на 14-годишната Вања Ѓорчевска од Скопје и 74-годишниот Панче Жежовски од Велес, започна распитот на првообвинетиот Љупчо Палевски Палчо.
Тој одговараше на прашањата на неговиот адвокат Јовица Страшевски, а меѓудругото негираше дека учестувал во грабнувањето и убиството на Ѓорчевска и Жежовски, спротивно на тоа што кажаа дел од другите обвинети на претходните рочиште.
Палевски досега исто го кажал неколку пати.
Кажа и дека ако сакал да оствари некакво користољубие тоа ќе го сторел со уцена, на, како што кажа, милијардери со „ферари“, но не го сторил тоа.
„Не сум ги извршил убиствата и грабнувањата. Во депото на Обвинителството, мислам на скопското, се наоѓа хард-диск ’тошиба’ кој ми го одзедоа и каде што има гнасотии за оваа политичка елита и на новинарската професија.
И ако сум сакал да остварам какво било користољубие, сум можел да уценувам милијардери со ‘ферари’, но тоа не сум го направил”, рече тој и повтори дека е жртва на претходната власта, за време на која беше уапсен.
Рече и дека не се чувствувал како монструм и убиец, го нападна Основното јавно обвинителство Скопје, Министерството за внатрешни работи, но и медиумите за нивното работење и известување.
Палевски рече и дека ги познава сите обвинети, освен таткото на Ѓорчевска, Александар Ѓорчевски, чие име првпат го видел во кривичната пријава.
ПОВРЗАНИ ВЕСТИ
Таткото на Вања пратил смс-порака до грабнувачите на нејзиниот телефон
Фото: Палевски/Фејсбук