Државната комисија за спречување корупција (ДКСК) денеска донесе одлука за запирање на постапката по пријавата за незаконска исплата на трошоци за патување во странство на сопругата на претседателот на македонското Собранието, Африм Гаши.
Според ДКСК не се потврдени и утврдени повреди на одредби од Законот за спречување на корупција и судир на интереси.
Пријавата се однесува на покривање на трошоци за патување реализирано во период од 8 јули до 11. јули 2024 година на парламентарниот Самит на НАТО во Вашингтон, САД.
Од ДКСК посочија дека било утврдено дека сопругата на Гаши патувала во странство, како дел од делегацијата, врз основа на решение донесено од секретарот на Собранието. Анализата покажала дека трошоците се покриени од буџетот на Собранието и дека постоела програма за брачните партнери и дека тоа е вообичаено при вакви настани.
ПОВРЗАНИ ВЕСТИ
Антикорупциска ја отфрли пријавата за министерот Љутков за вработување на неговата сестра
Фото: Гаши/Фејсбук