И оваа година, бројни верници од цела држава, но и пошироко се слеаја во светилиштето Св. Јован Бигорски, кое според тоа на кој начин го пречекува Христовото Воскресение, е нашата Света Гора и светлиот Ерусалим, и како на ниту едно друго место, го прославува најголемиот христијански празник.
Претесен да ги собере сите, но доволно широк да ги прегрне со љубов верниците кои на еден мистичен начин ја доживеаја радоста на Воскресението, преку радоста на монастите и нивното пеење.
„Светли се, светли се, нов Ерусалиме, зашто славата Господова на тебе засветли. Ангелот и пееше на Благодатната: чиста дево радувај се и пак ќе речам радувај се, твојот син воскресна тридневен од гробот и мртвите ги подигна – луѓе веселете се! Светли се, светли се нов Ерусалиме, зашто славата Господова на тебе блесна… Ликувај сега и весели се, Сионе; Ти, пак, Чиста, радувај се, Богородице, за воскресението на твојата рожба“ .
Пеењето на химната на воскресението, лелеењето на свеќите, фрлањето на цвеќињата, миризбата на мирото и цвеќињата, никого на оставија рамнодушен во своето учество во радоста на празнувањето.
ПОВРЗАНИ ВЕСТИ
Зошто се вапцуваат јајца за Велигден
(Фото) Уметнички јајца за Велигден поставени низ Штип
(Видео) „Војна со ракети“ за Велигден на грчкиот остров Хиос
Фото/Видео: bigorski.org.mk