Нов скандал со начинот на издавање на бугарски пасоши ја тресе Бугарија.
Овојпат хигиеничарка во Конзулатот на Бугарија во Битола, како што објавија бугарските медиуми, а потврди и вицепремиерката и министерка за надворешни работи, Марија Габриел, имала пристап до архивот на Конзулатот.
Бугарскиот пратеник од проруската партија „Преродба“, Ангел Георгиев пак тврди и дека таа дури и интервјуирала кандидати за бугарско државјанство, а поради тоа многу барања биле одбиени.
Габриел го испитала тврдењето на Георгирев и нејзината контрола покажала застрашувачки прекршоци во Конзулатот, каде биле утврдени системски прекршувања.
– Немаше докази дека таа правела интервјуа за бугарско државјанство. Сепак, откриените прекршувања се недозволиви, изјави Габриел.
Хигиеничарката повеќе немала пристап до архивата и до конзуларното претставништво.