Потпретседателот на Европската комисија и висок претставник на Европската Унија за надворешни работи и безбедносна политика, Жозеп Борел, кој вчера пристигна во Скопје за Самитот на ОБСЕ, ја потсети Македонија за уставните измени.
ПОВРЗАНИ ВЕСТИ
Што е ОБСЕ, чиј министерски Самит почнува денеска во Скопје
-Не треба да постои политичка поделеност за прашањата за Европската Унија. Ако сакате да одите по патот на ЕУ тогаш мора да го завршите процесот на усвојување на уставните измени и да напредувате за клучните реформи.
Тоа е за сите граѓани, тоа не е нешто што ќе донесе корист за една политичка партија, туку за целиот народ, за Северна Македонија како земја, рече тој на заедничката прес-конференција со македонскиот премиер Димитар Ковачевски.
Потенцираше дека одењето по европскиот пат е нешто што треба да биде пред и над партиските превирања.
-Тоа треба да биде заеднички потфат и сите треба да притискаат кон тоа. Тоа е нешто што и треба на земјата, а со цел да напредувате во пристапните преговори, ќе биде од клучно значење да постои соработка, да се избегне политичката поделеност, и да се слуша Европската Унија.
Можеби не се согласувате со многу работи околу тоа што е демократија и им предлагате на граѓаните различни предлози, но не треба да постои политичка поделеност за прашањата за Европската Унија, рече тој.
Тој исто така подвлече дека напорите за реформи во Македонија е нешто што во Брисел многу се цени.
ПОВРЗАНИ ВЕСТИ
(Видео) Како изгледа салата во која се одржува Самитот на ОБСЕ
Фото: Влада