Алкалоид АД Скопје лани остварил единечни вкупни приходи од 12.765.496 илјади денари и во споредба со остварените во истиот период во 2022 година бележат раст од 10%, соопшти компанијата преку Македонската берза.
Во структурата на вкупните приходи најголемо учество, 96%, имаат приходите остварени со продажба на производи и на услуги, кои во споредба со остварените во 2022 година бележат раст од 16%.
Остварените консолидирани вкупни приходи во периодот јануари-декември 2023 година изнесуваат 16.957.698 илјади денари и во споредба со остварените во истиот период во 2022 година бележат раст од 10%.
Во структурата на вкупните приходи, најголемо учество, 97%, имаат приходите остварени со продажба на производи и на услуги, кои во споредба со остварените во 2022 година бележат раст од 16%.
Остварените единечни вкупни расходи во периодот јануари-декември 2023 година изнесуваат 11.113.657 илјади денари и во споредба со остварените во истиот период во 2022 година бележат раст од 11%.
Остварените консолидирани вкупни расходи во периодот јануари-декември 2023 година изнесуваат 15.172.038 илјади денари и во споредба со остварените во истиот период во 2022 година бележат раст од 11%.
Од вкупните консолидирани продажби, 69% се остварени на странските пазари.
Најголем пораст кај извозните пазари бележат продажбите остварени во земјите од Западна Европа (раст од 25%) и во земјите од Источна Европа (раст од 23%).
Остварената единечна нето-добивка во 2023 година изнесува 1.520.547 илјади денари и во споредба со остварената во 2022 година бележи зголемување за 8%.
Остварената консолидирана нето-добивка во 2023 година изнесува 1.576.864 илјади денари и во споредба со остварената во 2022 година бележи зголемување за 8%.
Вкупните инвестиции во основни средства пак за истиот период изнесуваат 1.741.562 илјади денари и во споредба со остварените во истиот период во 2022 година бележат раст од 18%.
-Ваквото зголемување на инвестициите се должи на најголемиот инвестициски проект на Алкалоид во последните 20 години – новото производствено одделение за производство на цврсти форми 2 – со кој се зголемуваат капацитетите за производство на цврсти форми за повеќе од двапати, велат од таму.
ПОВРЗАНИ ВЕСТИ
Алкалоид лани имал 232 нови вработувања