Дејан Димовски, началник на единицата за насилен криминал во СВР Скопје на денешното рочиште за судењето за убиството на 14-годишната Вања Ѓорчевска од Скопје и 74-годишниот Панче Жежовски од Велес, меѓудругото во судницата сподели и детали за тоа како било пронајдено нејзиното тело до кое ги однел еден од обвинетите Влатко Кешишев.
„Почнавме да копаме и осетивме дека е ровка земјата и дека пропаѓа. Кешишев не сакаше ниту да гледа, се сврте со грбот. Дојде колегата и ни кажа дека Кешишев му рекол дека тука е маленкото, девојчето Вања. Го викнавме да копа и тој со нас. Дојде зема стап и копаше. Потоа пак се помести.
Кога дојдовме до телото шок, солзи ни дојдоа на очи“, рече тој, посочувајќи дека Вања изгледала бледо, но како да е жива.
„Девојчето беше како живо. Рацете и беа врзани позади и нозете со стеги. И на устата имаше лента. Други знаци на насилство не видовме“, рече тој.
ПОВРЗАНИ ВЕСТИ
Обвинетите Манев и Видевски посочиле на вмешаност на таткото на Вања
Фото: Влада