Градоначалникот на Општината Ново Село, Ѓорѓе Божинов информираше дека некој „совесен” сограѓанин ја запалил платформата на Смоларски водопад и предизвикал пожар кој се шири кон исток на Беласица.
„На терен сум со дваесетина граѓани од локалното население, пожарникари од ТППЕ Струмица, вработени во Македонски шуми со цел да се спречи ширењето по непристапниот терен околу водопадот.
Сторителот мора да биде најстрого санкциониран, зошто ова е зло кон општеството во кое живееме. Од утре се забранува пристап на Смоларски водопад заради безбедносни причини, се додека не биде изградена нова платформа на водопадот,“ се вели во соопштението.
Фото/видео: Општина Ново Село
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.