Основачот и сопственикот на „Тор индустрис“, Дрин Ахмети, внукот на лидерот на владејачката ДУИ, Али Ахмети, ќе се повлече од функцијата до крајот на годината, бидејќи компанијата е преземена од американската компанија „Тексас американ интернешнл холдингс“, информираа од таму.
„Компанијата е возбудена да го објави нејзиното преземање од „Тексас американ интернешнл холдингс“, водечка компанија призната по своите иновативни и стратешки деловни операции. Оваа аквизиција означува пресвртница во патувањето на „Тор индустрис“, поставувајќи ја сцената за период на засилен раст и проширување,“ се наведува во соопштението.
ПОВРЗАНИ ВЕСТИ
(Фото) Внукот на Али Ахмети добил бизнис партнер од Тексас
Во него се додава дека “под визионерското раководство на Дрин Ахмети, компанијата неодамна претрпела значаен процес на реструктуирање“.
„Овој клучен потег не само што ги рационализираше операциите, туку и ја позиционира компанија за посветла иднина, подготвена да користи нови можности под покровителство на „Тексас американ интернешнал холдингс“.
Интеграцијата на „Тор индустрис“ во „Тексас американ интернешнал холдингс“ портфолиото претставува хармонично усогласување на вредностите и стратешките цели на компаниите. Се отвораат нови патишта за иновации, проширување на пазарот и подобрени понуди на услуги за нашите ценети клиенти.
Двата ентитета се посветени на беспрекорна транзиција, давајќи им приоритет на интересите на вработените, клиентите и засегнатите страни“, додаваат од компанијата.
Инаку, „Тор индустрис“ е еден од сопствениците на трговскиот центар „Соравија“, каде што Дрин Ахмети е директор.
ПОВРЗАНИ ВЕСТИ
Случајот „Соравија“ за внукот на Али Ахмети, се уште во предистрага
Кои се фирмите на Дрин Ахмети кои добиле пари од Фондот за иновации
Фото: ТВ Сител