Кривична за полицајците кои не му пишаа казна на братот на градоначалникот на Гази Баба

Полицајците кои не му пишаа казна на братот на градоначалникот на скопска Гази Баба, Бобан Стефковски, заработија кривични.

ПОВРЗАНИ ВЕСТИ

Полицаец не го казнил братот на градоначалникот на Гази Баба кој возел пребрзо, а казнил друго лице кое нема врска со настанот

-Одделот за внатрешна контрола при МВР поднесе кривична пријава до Основното јавно обвинителство за гонење на организиран криминал и корупција против двајца полицајци од СВР Скопје – Д.К. и Б.Д., осомничени за фалсификување службени документи.

Според пријавата, на 20 април 2025 година, Д.К. издал прекршочен налог на едно лице, а потоа го фалсификувал документот и внел податоци на друго лице, познато по претходни сообраќајни прекршоци. Б.Д., иако знаел за фалсификатот, помогнал во прикривањето со внесување лажни податоци и во другата службена документација.

Двајцата се суспендирани до завршување на дисциплинската постапка, велат од Министерството за внатрешни работи.