Поранешната министерка за култура и актуелна пратеничка Бисера Костадиновска Стојчевска по обвинувањата од владејачката ВМРО-ДПМНЕ дека во Лондон, Велика Британија за лични потреби трошела државни пари, денеска на прес конференција кажа дека купувала куфери, оти авиокомпанијата и го изгубила бажажот.
ПОВРЗАНИ ВЕСТИ
„Дел од трошоците кои ги презентираа (од ВМРО-ДПМНЕ, н.з.) се однесуваат на нужност да обезбедам основни услови за мое нормално функционирање на службено патување по летот на кој авиокомпанијата ми го загуби багажот.
И да, купив нови куфери од сопствена сметка и основни средства за службеното патување за да можам да патувам и да учествувам на состаноците во момент кога останав без багаж при патувањето во Лондон. Остантиот дел е тешка манипулација и целосна невистина“, рече Костадиновска Стојчевска, која подвлече дека ако имало криминал во нејзиното работење нека и го симнат пратеничкиот имунитет.
“Ако се утврди неправилност, грешката ќе ја признаам и парите веднаш ќе бидат рефундирани. Ако не, ВМРО – Фалсификаторска ќе добие тужба и уште еднаш ќе биде потврдена како дезинформатор и маниулатор на македонскиот народ“, рече меѓудругото таа и повтори:
„Сите трошења за мои лични потреби биле реализирани исклучиво од моја лична приватна сметка. А, сите трошења кои биле нужни за службеното патување, биле реализирани од службена картичка, исклучиво согласно актуелните правилници и норми“.
Фото: Фејсбук/Костадиновска Стојчевска