Минатата недела се регистрирани два нови смртни случаи од грип.
Се работи за лица на возраст од 49 и 65 години од Скопје и Велес, кои биле хоспитализирани во КИБФС и ГОБ 8-ми Септември.
Кај едно од починатите лица е утврдено присуство на коморбидитети (бубрежни, кардиолошки, дијабет), а и двете не биле вакцинирани со вакцина против сезонски грип.
Кај починатите лица, лабораториски е потврдена Influenza А(H1)pdm09 и Influenza А – несубтипизиран, стои во извештајот на Институтот за јавно здравје за состојбата со грип за периодот од 19-25.02.2024 година, кој еМагазин редовно го пренесува.
Во текот на неделата се пријавени 820 случаи на грип/заболувања слични на грип, 40,8% помалку во споредба со претходната недела.
Во однос на возраста, 496 лица се на возраст од 15-64 години, 178 кај деца на возраст од 5-14 години, 74 кај лица на возраст над 65 години и 72 се регистрирани кај деца на возраст од 0-4 години.
Највисока инциденца е регистрира кај децата на возраст од 5-14 години, а најмногу регистрирани случаи има во Кавадарци.
ПОВРЗАНИ ВЕСТИ
Лице од Скопје деветта жртва од грип
Фото: МЗ