Лани Пекабеско АД Скопје остварил нето-добивка од 145,998 илјади денари, соопшти Друштвото преку Македонската берза.
Остварените вкупни приходи за овој период изнесуваат 5.527 милиони денари и во споредба со остварените во истиот период во 2022 година бележат зголемување од 3%.
-Во структурата на вкупните приходи најголемо учество од 98,7%, имаат приходите остварени со продажба на готови производи, стоки и услуги кои во споредба со остварените во 2022 година бележат зголемување од 3%.
Приходите од извоз изнесуваат 749 милиони денари и во споредба со остварените во истиот период во 2022 се зголемени за 4%, велат од таму.
Вкупните расходи изнесуваат 5.383 милиони денари и во споредба со остварените во истиот период во 2022 година бележат зголемување од 3%.
-Вкупните инвестиции во основни средства во периодот јануари-декември 2023 година изнесуваат 112 милиони денари. Главните вложувања се направени во производствена и транспортна опрема, велат од таму.
ПОВРЗАНИ ВЕСТИ
Весна Кутревска купи нови акции во Пекабеско
На менаџерскиот тим на Пекабеско лани исплатени 105 милиони денари за плата и надоместоци
Фото: Пекабеско