Шел отвори нова бензинска станица на влезот во Кавадарци, лоцирана на улица „Методија Андонов Ченто“ бр. 27.
Оваа е четвртата малопродажна локација под брендот Шел во Македонија и како што велат од таму, истата ја зајакнува посветеноста на компанијата да го прошири своето влијание во регионот.
-По отворањето на бензинската станица на булеварот „Борис Трајковски“ во Пинтија пред две години и успешното работење на двете дополнителни бензински станици во Смоквица покрај автопатот „Пријателство“ во близина на грчката граница, Шел продолжува да го зголемува своето присуство во земјава, велат од таму.
На малопродажната бензинска станица во Кавадарци ќе бидат достапни низа висококвалитетни горива, Fuelsave Diesel, безоловен бензин 98-октански V-Power, Unleaded 95 Fuelsave, TNG- LPG автоплин, AdBlue. Покрај тоа, клиентите ќе имаат пристап до различни лубриканти.
Новиот објект располага со модерен мини-маркет, вкусни печива кафе бар со тераса, авто-козметика и додатоци и продавница за подароци.
-Бензинската станица е изградена според највисоките технички и безбедносни стандарди, обезбедувајќи сигурно и безбедно искуство за клиентите. Ќе биде отворена 24 часа на ден, седум дена во неделата, обезбедувајќи деноноќна услуга, велат од компанијата.
Од започнувањето со работа под брендот Шел во Македонија во 2021 година, Корал Фуелс ДООЕЛ Скопје, подружница на Корал СА, е официјален носител на лиценцата за Шел на локалниот пазар.
-Ова претставува значајна пресвртница во динамичниот влез на Шел во земјата, по долгорочен договор кој вклучува постојана поддршка, трансфер на знаење и пристап до иновативните технологии на Шел во горивата, услугите и маркетингот.
Шел е посветен кон иднината на мобилноста во Северна Македонија, со фокус на обезбедување нови енергетски решенија. Ова вклучува развој на напредни горива за дизел и бензин, како и истражување на алтернативни извори на енергија како што се биогориво, обновливи горива и производи базирани на природен гас.
Преку овие напори, Шел има за цел да го поддржи растот на бизнисот и одржливоста на животната средина, помагајќи да се намалат емисиите на јаглерод и да се подобри ефикасноста на горивото за клиентите низ целата земја.
Корал Фуелс продолжува да се шири низ Северна Македонија со значителни инвестиции во нови малопродажни бензински станици, стратешки лоцирани за да обезбедат квалитетни услуги и да ја задоволат растечката побарувачка за производите на Шел.
Ова проширување е дел од пошироките напори за подобрување на искуството на клиентите и придонес за континуиран развој на енергетската инфраструктура на земјата, велат од таму.