Сите стоматолошки зафати, ортодонција и орална хирургија се дел од услугите во новиот стоматолошки оддел на Клиниката Жан Митрев, информираат од таму.
Во новоотворениот стоматолошки центар ќе се работи според најсовремени стандарди каде со современа 3Д технологија ќе може да се одреди точно што му е потребно на пациентот.
„Се работи за врвна технологија која овозможува за секој пациент одделно да се изработи специфична потребна услуга. Како дополнување на понудата е делот на анестезија што се применува секаде во свет, каде пациентот нема да почувствува болка додека му се врши зафатот.
Според 3Д мапингот ќе може да се направи индивидуализиран пристап за секој пациент со најдобрите решенија за соодветниот проблем. Преку 3Д принтерот ќе се изработи целосен модел потребен за пациентот што не е пракса досега кај нас“, објаснуваат од Клиниката Жан Митрев.
Одделот ќе нуди услуги во делот на ендодонција, ортодонција, фиксна и мобилна протетика, орална хирургија и имплантологија. Достапен е дигитален рендген за единечно и панорамско снимање.
Закажување се врши на телефонските броеви 02 3091 484 и 072 267 064.