Државниот завод за статистика ги соопшти најновите податоци за просечната месечна исплатена нето-плата по вработен според кои во септември 2019 година таа изнесува 25.435 денари.
Податоците на ДЗС откриваат дека просечната плата во некои сектори односно професии е повеќе од два пати поголема отколку државниот просек.
На врвот на листата највисоки просечни плати е секторот компјутерско програмирање, консултантски и сродни дејности со просечна плата од 61.477 денари.
На второ место е секторот воздухопловен транспорт со просечната плата од 52.420 денари, а на третото секторот производство на основни фармацевтски производи и фармацевтски препарати со просечна плата од 46.702 денари.
Потоа следуваат секторот финансиско-услужни дејности (42.255 денари) и секторот складирање и помошни дејности во превозот (39.767 денари).
ПОВРЗАНИ ВЕСТИ
Најниско платени професии во Македонија: Работниците можат само да сонуваат за просечна плата
Просечната плата се искачи на 25.435 денари: За еден месец пораст од 308 денари