Бројот на жртвите во разорниот земјотрес кој синоќа го погоди истокот на Турција изнесува најмалку 21 лице, пренесуваат светските агенции.
Земјотресот со магнитуда од 6,8 по Рихтер беше регистриран во 20:55 часот по локално време, а беше проследен со 35 последователни потреси со магнитуди меѓу 2,5 и 5,4.
Епицентарот на главниот подземен удар бил во источната провинција Елазиг, со околу 400.000 население, а хипоцентарот на длабочина од 10 километри.
Во двете провинции кои се најсилно погоден, Елазиг и Малатија, пријавени се над 1.000 повредени лица, а според локалните медиуми материјалната штета е голема.
Од почетокот на 2020 година Турција веќе ја погодија неколку силни земјотреси.
Фото: IHA via AP/видео: You tube/VOA News/A Mura/Elite World
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.