Националната здравствена комисија на Кина денеска објави дека вкупниот број потврдени смртни случаи од инфекција со коронавирусот до среда пораснале за 38 на 170, додека бројот на заразени се зголемил за повеќе од 1.700 пријавени случаи.
До крајот на вчерашниот ден беа потврдени вкупно 7.736 случаи на коронавирусна инфекција, при што се сомнителни се уште 12.167 лица, соопшти комисијата. Од нив, 1.239 лица се во критична состојба.
ПОВРЗАНИ ВЕСТИ
(Вознемирувачка содржина) Видео со навреди за Азијати во Скопје ги загреа социјалните мрежи
Поради коронавирусот, да не си Кинез деновиве
Од 170 смртни случаи до сега, 162 се пријавени во епицентарот на епидемијата во Хубеи.
70 случаи се пријавени во повеќе од 20 земји, вклучувајќи ги Јапонија, Германија, Франција, Тајван и Виетнам.
Вкупниот број на заразени е повисок од оној кога беа инфицирани од САРС. Во 2002/2003 година од тој коронавирус животот го загубија 774 луѓе од кои 349 во Кина.
Во меѓувреме, финските власти потврдија за прв случај на коронавирус во државата. Други 15 лица се под строг лекарски надзор.
МИА/Фото: Jeff J Mitchell/Getty Images News
ПОВРЗАНИ ВЕСТИ
Кои се симптомите на коранавирусот