Министерството за здравство информира дека на Клиниката за инфективни болести и фебрилни состојби починаа две пациентки од Куманово и Крушево на возраст од 85 и 77 години.
„Денеска во евиденцијата на Инститот за јавно здравје (ИЈЗ) е регистриран и еден починат пациент од Лабуништа (Струга) кој имал хируршка интервенција во болницата Филип Втори, а бил ковид позитивен.
Пациентот починал пред три дена, за што неговиот матичен лекар денеска го информирал ИЈЗ,“ информираат од Министерство за здравство.
Денеска се регистрирани вкупно 18 оздравени пациенти.
Од Клиниката за инфективни болести и фебрилни состојби си заминаа 11 пациенти, двајца од болницата во Дебар, а регистрирани се и 5 оздравени пациенти (2 од Кочани и 3 од Скопје) кои се лекуваа во домашни услови, а кои по два контролни теста се негативни на коронавирусот.
ПОВРЗАНИ ВЕСТИ
Вкупната бројка 1.117: Регистрирани 36 нови заболени од корона вирусот, 22 во Скопје
Во Прилеп тројца новозаболени од корона вирусот, вкупно заразени 103 лица
Една корисничка и две вработени во Дом за стари лица во Куманово позитивни на коронавирусот