Од Министерство за здравство вчера информираа дека од корона вирусот во Македонија починаа уште три лица.
„На Клиниката за инфективни болести и фебрилни состојби во Скопје почина пациентка од Прилеп на 59 години, хоспитализирана од 7 мај.
Во ОБ Велес почина пациент од Велес на 76 години, хоспитализиран на 6 мај, а пациентка од Тетово на возраст од 68 години почина на пат кон инфективната клиника во Скопје, упатена од Клиничката болница во Тетово,“ информираа од таму.
Детали за починатите соопштија и од Институтот за јавно здравје (ИЈЗ).
„Починатите беа на возраст од 59 – 76 години, со присуство на симптоми и хоспитализирани.
Кај два случаи се регистрирани коморбидитети (хронична/здравствени состојби, н.з.), еден имал контакт со веќе потврден случај, а сите се без историја на патување надвор од државата“, стои во анализата на ИЈЗ, која еМагазин секојдневно ја пренесува.
Вкупната бројка на починати изнесува 95.
ПОВРЗАНИ ВЕСТИ
Убава вест: Уште само 23 здравствени работници во Македонија се заболени со коронавирусот