Чествувањето на гробот на Св.Кирил, кој се наоѓа во базиликата „Св. Климент“ во Рим, годинава е одложено поради пандемијата со корона вирусот.
Поклонението на државно-централната делегација на гробот е одложено за втората половина на годината.
Во последните години, одбележувањето беше заедничко со Бугарија, но овојпат македонскиот претседател Стево Пендаровски и бугарскиот Румен Радев решија да ја откажат посетата на Рим и Ватикан, а чествувањето да го одложат за втората половина од годинава кога условите ќе го овозможат тоа.
Чествувањето првпат е организирано во 1969 година за 1100 години од смртта на свети Кирил, и оттогаш секоја година на 24 мај се одбележува со највисоки почести од црковно-државна делегација.
Традиционално, 24 мај беше ден само на образовните институции и на просветните работници, а од 2007 година тој е и државен празник во Македонија и неработен ден за сите граѓани.
ПОВРЗАНИ ВЕСТИ
Како браќата Кирили и Методиј го бранеле словенскиот јазик: Зар сонцето не свети за сите исто
Фото: Влада