Потпретседателот на СДСМ, и поранешен пратеник, Мухамед Зекири на Фејсбук профил соопшти дека тој, неговата сопруга и тримесечната ќерка се позитивни на Ковид-19.
“Почитувани пријатели, и покрај строгото почитување на мерките и минималните контакти со луѓе, сакам да ве информирам дека јас заедно со сопругата и мојата тримесечна ќерка резултиравме позитивни на тестирањето за Ковид-19. За среќа јас немам никаков симптом, но резултирав позитивен“, пишува тој.
Тој испрати апел до сите граѓани да не го потценуваат вирусот и можноста за зараза и да бидат максимално внимателни.
“Доколку кај вас или ваши блиски забележите и најмал симптом консултирајте ги матичните лекари и не одбивајте да се тестирате. Изразувам жалење и се извинувам доколку несвесно последниве денови сум довел некого во незавидна позиција“, пишува Зекири.
ПОВРЗАНИ ВЕСТИ
Стружанец и Гостиварчанец починаа од корона вирусот
Нови 62 случаи на заразени со корона вирусот, најмногу во Скопје и Штип
Фото: Фејсбук/Зекири