На Инфективното одделение при Клиничката болница во Штип починаа двајца пациенти со Ковид – 19. Директорот на Клиничка болница-Штип, Ален Ѓеорѓијев вели дека станува збор за пациенти на возраст од 80 и 75 години.
„Осумдесетгодишниот пациент на Инфективното одделение е хоспитализиран на 5 јуни, состојбата му беше тешка во текот на лекувањето и беше со кислородна поддршка.
Додека 75- годишниот пациент е деносен вчера во претпладневните часови со симптоми на коронавирусот, починал неколку часа по хоспитализацијата, а брисот дека е позитивен пристигнал постмортем. Двајцата пациенти претходно имале други здравствени проблеми“, информира Ѓеорѓијев.
На Инфективното одделение во моментов се хоспитализирани 22 пациенти од општините од источниот регион, а двајца се сомнителни и за нив се чекаат резултатите од земените брисеви.
За една недела од корона вирисот во штипската Клиничка болница починаа тројца пациенти, минатата недела почина 63- годишна жена.
МИА/Фото: МЗ
ПОВРЗАНИ ВЕСТИ
Новиот заразен од коронавирусот од Струмица е во државен карантин
Во Македонија има повеќе активни случаи на Ковид-19, отколку пикот во првиот бран
Починаа уште 8 пациенти од корона вирусот