По наредба на Јавното обвинителство, две лица се приведени и задржани во полициска станица за понатамошна постапка, изјави за МИА Сузана Прањиќ Талевска, началник на Одделение за информации од јавен карактер при МВР, за случајот за кој МИА претходно информираше, дека момче од Кавадарци со две убодни рани од нож беше пренесено на клиника во Скопје.
Доктор Ратко Грков од Итната медицинска помош, потврди за МИА дека по повикот упатен до нив, на улица во градот затекнале момче со две убодни рани во седечка положба и во свесна состојба. По укажаната прва помош, момчето било пренесено во кавадаречката болница.
Доктор Благој Митев, хирург на хируршкото одделение при кавадаречката болница, појасни дека ноќеска после полноќ, било донесено момче родено 1994 година.
-Момчето имаше две убодни рани од нож во пределот на лев рамен појас и во пределот на градниот кош, позади, под коската која народски се вика лопатка. Убодните рани беа со ширина од 2.5-3 сантиметри и длабочина од 4-5 сантиметри. Му дадовме прва помош и заради подетално согледување на состојбата го препративме на Клиниката за торакална хирургија во Скопје, рече Митев.
Дознаваме дека момчето е надвор од животна опасност.
ПОВРЗАНИ ВЕСТИ
Момче од Кавадарци со две убодни рани од нож пренесено на клиника во Скопје
МИА