Некрунисаниот крал на лажни вести и говорот на омраза во Европската Унија, бугарскиот министер за одбрана и вицепремиер, Красимир Каракачанов освен дневните дози навреди за македонскиот народ, речиси секојдневно шири и лажни вести, кои не се поврзани само со историјата на Балканот и на Македонија.
Деновиве за бугарските медиуми изјави дека во Македонија имало секакви медиуми, но не и бугарски.
И тој самиот најверојатно знае, но не му одговара тоа да го каже, општо познато е дека во Македонија со години кабелските оператори пренесуваат два бугарски музички канали, Балканика и Планета ТВ.
Исто така општо познато е дека музиката ги зближува луѓето. Ќе го игнорираме фактот каква музика и какви вредности промовираат овие музички канали на кои најчесто се појавуваат полуголи девојки, но нели за тоа кој каква музика сака и што сака да гледа, не се дискутира.
А колку македонски медиуми има во Бугарија?
Како што знае цела Европска Унија во Бугарија на Македонците не им е дозволено да формираат ниту невладина организација, Македонците не се признати како малцинство, иако на сите им е јасно дека ги има, а камоли македонски медиуми да имаат можност да се гледаат.
ПОВРЗАНИ ВЕСТИ
Како Македонци, Косовари, Молдавци, Албанци, Арапи без бугарски корени си купија бугарски пасош