Две жени од Тиквешко пријавиле дека биле физички нападнати од сопрузите, информираше попладнево Верољуб Додевски, портпарол на СВР Велес.
Како што информираше Додевски, во Полициската канцеларија Демир Капија, вчера, 26-годишна жена пријавила дека околу 21.30 часот била физички нападната од нејзиниот сопруг на возраст од 27 години.
Во Полициската станица Неготино, истиот ден, 33-годишна жена од неготинско село, пријавила дека околу 05.30 часот била физички нападната од нејзиниот сопруг, кој има 47 години.
Дополнува дека во текот на вчерашниот ден, во Полициската станица Кавадарци, 32-годишен пријавил дека претходниот ден, околу 22.30 часот, во казино во градот, додека бил на работно место обезбедување, бил физички нападнат од едно лице.
По целосно документирање на случаите, ќе бидат поднесени соодветни пријави.
МИА