Ви ја пренесуваме последната анализа на професорот Дејан Трајковски за смртноста од Ковид-19 во Македонија, кој го анализира рангирањето на “Економист“, кој ја смести земјава на високото трето место во светот по одвишна смртност.
„Според реномираниот магазин „Економист“, Македонија е во самиот светски врв не само според официјалниот број на ковид-жртви, туку и според одвишната смртност, пресметана од извештаите на Државниот завод за статистика во однос на очекуваната десезонирана смртност.
Со други зборови, таа ги опфаќа и починатите во домашни услови коишто никогаш не биле тестирани на корона вирус. Треба уште да се истакне дека македонските броеви се заклучно со 30.06.2021, пред почетокот на летниот бран на Делта сојот.
Во меѓувреме бројот на починати кај нас прилично се зголеми, додека во Бугарија стагнираше, па најверојатно по завршувањето на третиот квартал ќе се најдеме на второто место. Ни Перу не е далеку, бидејќи тие веќе излегоа од зимата, а кај нас таа допрва доаѓа.
Пресметките се направени со официјалниот број на жители на државата од 2,08 милиони жители.
Доколку сметаме со 1,7 милиони жители (ќе дознаеме за 3 месеци), одвишната смртност кај нас изнесува 615 починати на 100.000 жители, што е повеќе дури и од Перу, односно уште со јунските податоци сме биле први на светот.
Одвишната смртност претставува збирен индикатор на сите наши неуспеси, што многу реално покажува колку лошо сме поминале во досегашниот тек на пандемијата“, пишува тој.
ПОВРЗАНИ ВЕСТИ
Доктор Даниловски: Зошто баш ние шампиони во смрт од Ковид-19 да бидеме?
Професор Трајковски: Како што се приближува есента така и ризиците ќе се зголемуваат
Фото: Трајковски/Фејсбук