Заев: Арсовска е државјанин на Бугарија, за кмет може да се кандидира во Бугарија

Кандидатката за градоначалник на Скопје, подржана од ВМРО-ДПМНЕ, Данела Арсовска се определила да биде почесен унгарски конзул, да биде мост меѓу Македонија и Унгарија и да застапува друга држава, сега испаѓа дека е државјанин на трета држава, изјави премиерот и претседател на СДСМ, Зоран Заев во гостувањето на „Утрински брифинг“.

-Тоа е сепак премногу, па уште се кандидира и за градоначалник. Во Скопје сепак се бира градоначалник, а не кмет, за тоа може да се кандидира во Бугарија, вели Заев.

ПОВРЗАНИ ВЕСТИ

(Видео+Фото) СДСМ објави лична карта на Даниела Арсовска од Петрич

Тој кажа дека нема ништо лошо во тоа што Арсовска е бугарски државјанин, но дека е политички, етички и морално нечесно тоа што го крие тоа и се обидува да ги манипулира граѓаните.

-Очекувам кандидатката за градоначалник на Скопје, Данела Арсовска да се повелече, бидејќи не смее да го понижува народот до толку. Треба веднаш да се повлече ако малку го сака Скопје и скопјани. Ако таа сега вака нечесно се поставува, што ќе се случи доколку биде избрана, рече Заев.

ПОВРЗАНИ ВЕСТИ

Данела Арсовска за бугарското државјанство: Разочарана сум, како не им е срам да излегуваат со овие небулози

ВМРО-ДПМНЕ: СДСМ дрско лаже и манипулира за наводен бугарски пасош на Данела Арсовска

(ВИДЕО) Данела Арсовска, кандидатката за градоначалник на Скопје 10 години имала бугарско државјанство, тврдат од СДСМ

Фото: Влада